ស្លាប់៣​ របួស២​ និង ចាប់ខ្លួនបាតុករ​២នាក់ ក្នុងការប៉ះទង្គិច​គ្នា​ នៅផ្លូវវេង​ ស្រេង

រាជធានីភ្នំពេញ​៖ មនុស្ស៣នាក់បានស្លាប់ ​និង២នាក់របួស ​ហើយក្នុងនោះបាតុករ២នាក់ បាន​ត្រូវសមត្ថកិច្ចចាប់ខ្លួនក្នុង​ហេតុការណ៏អំពើហិង្សា​នៅមុខសួនកាណាឌីយ៉ា ស្ថិតក្នុងភូមិ​ត្រពំាងថ្លឹង សង្កាត់ចោមចៅ ​ខណ្ឌពោធិសែនជ័យ ។ នេះបើយោង​សេចក្តីរាយការពីអ្នកឆ្លើយឆ្លងព័ត៌មាន​កោះសន្តិភាព ​ ដែលស្រង់សម្តីប្រភព​ពីសមត្ថកិច្ច​នៅប៉ុន្មាននាទីមុននេះ ។

អ្នកនំាពាក្យក្រសួងមហាផ្ទៃ​ លោកឧត្តមសេនីយ៏ឯក​ ខៀវ សុភ័គ​ មិនអាចទាក់ទងដើម្បីសុំសេចក្តី​អត្ថាធិប្បាយ​បន្ថែមតាមទូរស័ព្ទ​ បានទេនៅវេលាថ្ងៃត្រង់នេះ ។ ចំណែក លោក​ឧត្តមសេនីយ៏ឯក​ ម៉ក់ ជីតូ ​ប្រធាននាយកដ្ឋាន​កណ្តាលនគរបាលយុត្តិធម៌​ និង ជាស្នងការនគរបាល​ស្តីទីរាជ​ធានីភ្នំ​ពេញ​​ បានបញ្ជាក់ថា​ លោកមិនទាន់​បានទទួលព័ត៌មាននេះនៅឡើយទេ ។

យ៉ាងណាក៏ដោយ ​ស្ថានភាពនៅ​កន្លែងកើតព្រឹត្តិការណ៏ខាងលើ​ ​មកដល់ម៉ោង១១និង៣០នាទីថ្ងៃ​ត្រង់​ថ្ងៃទី០៣ ​មករា ២០១៤ ​មានសភាពស្ងប់ស្ងាត់បន្តិចហើយ​ តែការគប់ដុំថ្ម ​និង​ ដបសំាង​នៅតែ​បន្ត​ ខណៈកម្លំាងសមត្ថកិច្ចជាច្រើន​រយនាក់ត្រូវបានគេដាក់ពង្រាយនៅទីនោះ​ ដើម្បីទប់ទល់​ស្ថាន​ការណ៏ ៕

ប្រភពៈ កោះសន្តិភាព