ភ្នំពេញ ៖
សង្ឃកំហូច២នាក់ដែល គង់នៅវត្ដសារាវ័ន្ដ
លួចចេញពីវត្តដោះស្បង់ចីពរ ធ្វើជាគ្រហស្ថឆាន់ទឹកប្តូរនិស្ស័យ
និងច្រៀងលេងលេងយ៉ាងសប្បាយ រហូតដល់វេលាជិតភ្លឺ
ទើបវិលទៅយកគ្រងស្បង់នៅវត្តទួលទំពូងវិញ ក៏ត្រូវចៅអធិការវត្ត
និងព្រះសង្ឃនៅវត្តទួលទំពូងឃាត់ប្រគល់ទៅឲ្យនគរបាលប៉ុស្តិ៍ទួល
ទំពូងទី១ និងការិយាល័យធម្មការ ខណ្ឌចំការមន ចាប់ផ្សឹក។លោក តេង ឈួន ប្រធានការិយាល័យធម្មការខណ្ឌចំការមនបានឲ្យដឹងថា សង្ឃកំហូចទាំងពីរនាក់នេះទី១ ចាន់ រតនា អាយុ២៣ឆ្នាំ ធ្លាប់បួសនៅវត្ដទួលប្រាសាទ ស្រុករមាសហែក ខេត្ដស្វាយរៀង និងទី២ឈ្មោះ នុស សាយ័ន្ដ អាយុ១៩ឆ្នាំ ធ្លាប់បួសនៅវត្ដឯករាជ្យ ស្រុកកំពង់ត្របែក ខេត្ដព្រៃវែង បច្ចុប្បន្នស្នាក់នៅក្នុងវត្ដសារាវ័ន្ដ ដែលមានទីតាំងស្ថិតនៅក្នុងសង្កាត់ជ័យជំនះ ខណ្ឌដូនពេញ។
មន្ត្រីធម្មការបានឲ្យដឹងថា
កាលពីព្រលប់ព្រះសង្ឃកំហូច២នាក់ដែលគង់នៅក្នុងវត្តសារាវន្តបាន
ដោះស្បង់ចីពរចេញហើយស្លៀកពាក់ស៊ីវិល
ជិះម៉ូតូចេញពីវត្តលួចទៅច្រៀងខារ៉ាអូខេ
និងផឹកស្រាមាត់ទន្លេមុខណាហ្គា
លុះដល់ម៉ោង២រំលងអធ្រាត្រឈានចូលថ្ងៃទី២៩ ខែវិច្ឆិកា ឆ្នាំ២០១៣
សង្ឃទាំង២អង្គនេះបានមកផ្លាស់សម្លៀកបំពាក់ពីគ្រហស្ថទៅជាសង្ឃ
វិញនៅក្បែររបងវត្តទួលទំពួងខណៈនោះក៏មានព្រះសង្ឃនៅវត្តទួល
ទំពូងឃើញមានអាការៈស្រវឹងស្រាទ្រេតទ្រោត
និយាយសឹងស្តាប់គ្នាមិនបានក៏ឃាត់ខ្លួនសង្ឃកំហូចប្រគល់ឲ្យ
សមត្ថកិច្ចនិងមន្ត្រីខណ្ឌមានវិធានការទៅតាមវិន័យធម៌។
តាមសំដីសង្ឃកំហូចបានប្រាប់សមត្ថកិច្ចថា នៅវេលាម៉ោង៩យប់ថា ពួកគេបាននាំគ្នា ចេញពីវត្តសារាវ័ន្តតេជា មកដោះស្បង់នៅក្នុងវត្តទួលទំពូង រួចនាំគ្នាចេញក្រៅទៅផឹកប៊ីយ៉ែរ និងម្តុំសួនច្បារណាហ្គា រហូតដល់ម៉ោង២រំលងអាធ្រាត្រ ទើបនាំគ្នាត្រឡប់មកវត្តទួលទំពូងវិញ ក្នុងបំណងស្លៀកស្បង់ចីពរ ក៏ត្រូវចៅអធិការវត្តឃើញ និងឃាត់ខ្លួនប្រគល់មកឲ្យសមត្ថកិច្ចតែម្តង។សមត្ថកិច្ចបានឲ្យដឹងថា បន្ទាប់ពីឃាត់ខ្លួនសង្ឃកំហូចរួចហើយ នៅព្រឹកថ្ងៃទី២៩ ខែវិច្ឆិកា មន្ដ្រីធម្មការ ខណ្ឌចំការមន បានធ្វើពិធីផ្សឹកដើម្បីឱ្យទៅជាគ្រហស្ថវិញ កុំឲ្យខូចនិងប៉ះពាល់ដល់ព្រះពុធសាសនា៕
តាមសំដីសង្ឃកំហូចបានប្រាប់សមត្ថកិច្ចថា នៅវេលាម៉ោង៩យប់ថា ពួកគេបាននាំគ្នា ចេញពីវត្តសារាវ័ន្តតេជា មកដោះស្បង់នៅក្នុងវត្តទួលទំពូង រួចនាំគ្នាចេញក្រៅទៅផឹកប៊ីយ៉ែរ និងម្តុំសួនច្បារណាហ្គា រហូតដល់ម៉ោង២រំលងអាធ្រាត្រ ទើបនាំគ្នាត្រឡប់មកវត្តទួលទំពូងវិញ ក្នុងបំណងស្លៀកស្បង់ចីពរ ក៏ត្រូវចៅអធិការវត្តឃើញ និងឃាត់ខ្លួនប្រគល់មកឲ្យសមត្ថកិច្ចតែម្តង។សមត្ថកិច្ចបានឲ្យដឹងថា បន្ទាប់ពីឃាត់ខ្លួនសង្ឃកំហូចរួចហើយ នៅព្រឹកថ្ងៃទី២៩ ខែវិច្ឆិកា មន្ដ្រីធម្មការ ខណ្ឌចំការមន បានធ្វើពិធីផ្សឹកដើម្បីឱ្យទៅជាគ្រហស្ថវិញ កុំឲ្យខូចនិងប៉ះពាល់ដល់ព្រះពុធសាសនា៕
ប្រភពៈ ភូមិអច្ឆរិយៈ
No comments:
Post a Comment