រាជធានីភ្នំពេញ ៖
ជាងម៉ាស៊ីនត្រជាក់២នាក់បានឡើងលើអគាររោងចក្រដែលទើបនឹងសាងសង់
ថ្មីដើម្បីដំឡើងម៉ាស៊ីនត្រជាក់នៅតាមជញ្ជាំងកម្ពស់ប្រមាណ១០ម៉ែត្រ
ហើយចៃដន្យស្រាប់តែបាក់រន្ទារបណ្តាលឱ្យធ្លាក់មកដីរងរបួសធ្ងន់
បាក់ជើងទាំង២នាក់
ត្រូវគេបញ្ជូនទៅកាន់មន្ទីរពេទ្យព្រះកុសុមៈដើម្បីសង្គ្រោះបន្ទាន់
។
ហេតុការណ៍នេះបង្កឱ្យមានការភ្ញាក់ផ្អើលកាល
ពីវេលាម៉ោង១០ និង៥០នាទីព្រឹក ថ្ងៃទី២៩ វិច្ឆិកា ២០១៣
នៅក្នុងរោងចក្រទី៩
ដែលទើបនឹងសាងសង់ថ្មីមានទីតាំងស្ថិតនៅក្នុងសួនឧស្សាហកម្ម
វឌ្ឍនៈ២តាមបណ្តោយផ្លូវជាតិលេខ៣ ភូមិទឹកថ្លា សង្កាត់ក្រាំងពង្រ
ខណ្ឌដង្កោ ។
ជាងម៉ាស៊ីនត្រជាក់រងគ្រោះទាំង២នាក់
ម្នាក់ឈ្មោះលី ហូវ ភេទប្រុស អាយុ១៩ឆ្នាំ
មានស្រុកកំណើតនៅស្រុកបារាយណ៍ ខេត្តកំពង់ធំ និងឈ្មោះហូ ពីណា
ភេទប្រុស អាយុ១៨ឆ្នាំ មានស្រុកកំណើតនៅភូមិត្រពាំងស្វា
ឃុំភ្នំកុង ស្រុកអង្គរជ័យ ខេត្តកំពត។
ពួកគេស្នាក់នៅផ្ទះជួលភូមិក្បាលដំរី សង្កាត់កាកាប
ខណ្ឌពោធិ៍សែនជ័យ។
 |
| រោងចក្រដែលទើបសង់ថ្មី |
ប្រភពៈ កោះសន្តិភាព
No comments:
Post a Comment