ខេត្តបាត់ដំបង៖
តាមប្រភពព័ត៌មានបឋមបានឱ្យដឹងថា
ក្រុមគយចល័តបានស្ទាក់ចាប់រថយន្តម៉ាកឡិចស៊ីស RX 300 មួយគ្រឿង
ពាក់ស្លាកលេខ ភ្នំពេញ 2M-9336
កាលពីវេលាម៉ោងប្រហែលជាង១០ព្រឹកថ្ងៃទី ២៧ វិច្ឆិកា ២០១៣
នៅលើកំណាត់ផ្លូវជាតិលេខ៥ ស្ថិតក្នុងឃុំអូរតាគី ស្រុកថ្មគោល
ក្រោយពីសង្ស័យថា រថយន្តនេះមានដឹកទំនិញមិនប្រក្រតី ។ ប៉ុន្តែ
បន្ទាប់ពីធ្វើការឆែកឆេរ បែរជារកឃើញកាំភ្លើងធុនទំនើបៗចំនួន១៨ដើម
ដែលគេសង្ស័យថា ជាកាំភ្លើងយន្តដែលមានប្រភេទខុសៗគ្នា
និងមានគុណភាពល្អ ១០០% មានទាំងគ្រាប់ក្នុងប្រអប់ដោយឡែកៗផង ។
ប្រភពដដែលបានបញ្ជាក់ថា
រថយន្តនេះចេញពីក្រុងប៉ោយប៉ែត ឆ្ពោះទៅកាន់រាជធានីភ្នំពេញ
ដែលអ្នកបើកបរជនជាតិខ្មែរ ឯអ្នករួមដំណើរ២នាក់ដែលជាម្ចាស់កាំភ្លើង
គឺជាជនជាតិវៀតណាម ។ ទាំងរថយន្ត ទាំងមនុស្ស
និងកាំភ្លើងត្រូវបានបញ្ជូនមកកាន់ស្នងការដ្ឋាននគរបាលខេត្តហើយ
ហើយមន្ត្រីជំនាញបាននិងកំពុងសាកសួរផងដែរ ៕
ប្រភពៈ កោះសន្តិភាព
No comments:
Post a Comment