រាជធានីភ្នំពេញ ៖ ពាណិជ្ជករក្នុងស្រុក
និងក្រៅស្រុកបានជួបជុំពិភាក្សាគ្នា
និងចែករំលែកបទពិសោធន៍ពីដំណើរការមុខជំនួញ
និងដំណើរការក្រុមហ៊ុន ដើម្បីឱ្យមានការរីកចម្រើនទៅមុខ ។
កម្មវិធីនេះមានឈ្មោះថា Management Tuesday
ដែលបានរៀបចំឡើងដោយក្រុមហ៊ុន The Career Ocean
រួមជាមួយភោជនីយដ្ឋាន ផាកកាហ្វេ កាល់ម៉ែត
ទល់មុខមន្ទីរពេទ្យកាល់ម៉ែត រាជធានីភ្នំពេញ កាលពីល្ងាចថ្ងៃទី៣
ធ្នូ ។ នេះជាលើកទី២២ សម្រាប់កម្មវិធីនេះ
ដែលត្រូវបានធ្វើជារៀងរាល់ខែ នៅថ្ងៃអង្គារ ដើមខែ ។
ក្នុងឱកាសនោះក៏មានវាគ្មិនចំនួន៣រូប
ដែលបានបង្ហាញពីបទពិសោធន៍ និងដំណើរការមុខជំនួញរបស់ខ្លួន
នោះគឺលោកបណ្ឌិត អិុន ចាន់នី នាយកប្រតិបត្តិការធនាគារ អេស៊ីលីដា
ភីអិលស៊ី លោកគុយ វ៉ាត អគ្គនាយកក្រុមហ៊ុន វីត្រាស់ (VTrust)
និងលោកឧកញ៉ា លឹម ឈួខាយ ។
លោកឡេង ចាន់ប្រាថ្នា អគ្គនាយកក្រុមហ៊ុន The
Career Ocean បានមានប្រសាសន៍ថា នេះជាលើកទី២២
ហើយដែលយើងខ្ញុំបានរៀបចំឡើង ក្នុងគោលបំណងដើម្បីពិភាក្សា
និងចែករំលែកបទពិសោធន៍នៃដំណើរការមុខជំនួញ ហើយគោលបំណងមួយទៀត
ដើម្បីអភិវឌ្ឍន៍កម្ពុជាយើងក្នុងរយៈពេល២០ឆ្នាំ ខាងមុខទៀត
ហើយវាក៏អាចចូលរួមជាមួយរដ្ឋាភិបាលកម្ពុជាយើង ក្នុងការអភិវឌ្ឍន៍
ឧស្សាហកម្មបង្កើតការងារបន្ថែមសម្រាប់បងប្អូនប្រជាពលរដ្ឋ
កម្ពុជា និងកាត់បន្ថយភាពក្រីក្រ ។
សិក្ខាកាមចូលរួមក្នុងកម្មវិធីនេះ
នឹងបានចំណេញក្នុងការស្រូបយកចំណេះដឹងថ្មី
និងបទពិសោធន៍ពាណិជ្ជកម្មពីសំណាក់អ្នកដែលមានមុខជំនួញពាណិជ្ជ
កម្មឈានមុខ ដោយសារតែនៅក្នុងថ្ងៃ នេះដែរ
វាគ្មិនទាំងអស់ចូលរួមបានធ្វើបទបង្ហាញពីដំណើរការដែលអាច
ឈានដល់ជោគជ័យនៃមុខជំនួញ និងពាណិជ្ជកម្មរបស់ខ្លួន
និងបង្ហាញពីចំណេះដឹងថ្មីៗរបស់ក្រុមហ៊ុនរបស់វាគ្មិនដែលចូលរួម
ផងដែរ ។
ប្រភពៈ កោះសន្តិភាព
No comments:
Post a Comment