រាជធានីភ្នំពេញ ៖
រថយន្តដឹកទំនិញលើស ចំណុះមួយគ្រឿងបានក្រឡាប់កប់ភក់ចាក់ទំនិញ
រាយពេញផ្លូវ កាលពីវេលាម៉ោង ១១ និង៥៥នាទីយប់ ថ្ងៃទី២៧ វិច្ឆិកា
នៅមុខដីឡូត៍កំពុង សាងសង់មួយកន្លែង តាមផ្លូវជាតិលេខ១
ក្នុងភូមិត្រពាំងឈូក សង្កាត់នោរធ ខណ្ឌមានជ័យ
បណ្តាលឱ្យអ្នករួមដំណើរ ជាមួយរងរបួសធ្ងន់ និងស្រាល ។
ប្រភពព័ត៌មានបានឱ្យដឹងថា
រថយន្តប្រភេទយីឌុបម៉ាក FUSO ពណ៌ស ពាក់ស្លាកលេខភ្នំពេញ៣A៦៨១០
ដឹកទំនិញសំពីងសំពោងពេញរថយន្តពីប្រទេសវៀតណាមមកភ្នំពេញ
ដោយមានអ្នករួមដំណើរជាមួយ២នាក់ធ្វើដំណើរក្នុងទិសដៅពីកើតទៅ
លិច
លុះមកដល់ចំណុចខាងលើផ្លូវវាងស្រុតផ្អៀងមួយចំហៀងខាងឆ្វេងទាប
និងខ្ពស់ផ្នកខាងស្តាំ
ហើយដោយសាររថយន្តបើកលឿនដឹកទំនិញខ្ពស់ពេកបណ្តាលឱ្យយោលក្រឡាប់
ទៅខាងស្តាំដៃបោកនឹងបង្គោលភ្លើងទ្រេត
ចំណែកអ្នកជិះលើរថយន្តធ្លាក់កប់ភក់រងរបួសធ្ងន់ម្នាក់
និងស្រាលម្នាក់ រីឯអ្នកបើកបររថយន្តគេចខ្លួនបាត់។
ប្រភពបានឱ្យដឹងទៀតថា អ្នករបួសធ្ងន់ឈ្មោះឃិន
ថាវី ភេទប្រុស អាយុ៣៦ឆ្នាំ ជាកម្មករសំណង់
ស្នាក់នៅភូមិជ្រោយអំពិល សង្កាត់ក្បាលកោះ ខណ្ឌមានជ័យ
បានសុំរថយន្តដឹកទំនិញនេះជិះពីផ្ទះក្នុងគោលបំណងទៅធ្វើការ
សំណង់នៅភូមិបឹងស្នោ សង្កាត់និរោធ ខណ្ឌមានជ័យ៕
ប្រភព៖ កោះសន្តិភាព
No comments:
Post a Comment